“因为爱情不会轻易悲伤。”这是一句耳熟能详的歌词。我借用这句歌词来描写：因为疫情不会轻易发朋友圈。

　　心向朝阳：生活处处是文章。因为名为朝阳，一位文友便这么评论我。尽管有溢美成分，但我一介老叟，虽年过半百，却心态阳光，不时写一些身边具有正能量的小故事，投一投稿，发一发朋友圈。然而，新冠肺炎疫情蔓延以来，我却不会轻易发朋友圈，这是为什么呢？

　　2020年春节期间爆发的新冠肺炎疫情，对于每一个国人来说，无异于“晴天霹雳”。网上有人调侃：一直以来都是人类把动物关进笼子，2020年春节，动物成功地把人类关进笼子。看到这么搞笑的段子，我却笑不起来，因为看看我家，就发生了“被关在家里”的事情：从小到老，半个世纪以来，我首次被“关”在家里14天，用专业术语来说叫居家隔离。因为，有网友晒出的标语简单粗暴却不无道理：串门就是互相残杀，聚会就是自寻短见。同时，因为防疫需要，这个春节我儿子史无前例地宅在家里，整整陪伴了父母14天。要知道，他在某一线城市工作已经7年，每年最多春节放假能在家待上5天。可见，这场疫情来势多么凶险。

　　天天宅在家里，朋友圈成了国人消磨时光的不二之地。于是，从疫情蔓延开始，铺天盖地的信息淹没朋友圈。我不仅浏览，也跃跃欲试要转发朋友圈。可是，当看到一个好友转发的信息时，我打住了。此信息为“新型冠状病毒能人传人”。这是1月20日晚间，钟南山院士接受央视记者采访说的话。一瞬间，全国人民都知道了，我要是也转发，一无用处，于是罢手。

　　自媒体乱象。（资料图）

　　国人因为疫情精神处于高度紧张时期，一些行业微信公众号发布的信息不可轻易转发。一天，有一家行业微信公众号推送“刚刚广西首例治愈新冠患者出院”的信息，这对于广大患者而言是利好消息，我刚要转发，又发现我区某家主流媒体刚推出“广西已治愈两例新冠患者”的报道。原来，行业媒体为蹭热点转发别人的信息，转发时信息已经滞后。幸好，我没有转发这则信息，不然没起到鼓舞人心的作用罢了，反而有混淆视听之嫌疑。

　　如果说一些行业发布的信息不可随便转发，非常时期一些媒体发布的信息也不可着急转发。1月31日，国内多家媒体报道，某著名的药学所和某病毒所联合研究发现，双黄连口服液可抑制新冠病毒。消息一出，全国各大药房线上线下的双黄连口服液被抢购一空。这则爆炸性的新闻在朋友圈里被刷爆了，这可是危难时刻能拯救大众的大好消息，我也赶紧分享给亲们吧！正欲转发，忽然一想，“非典”时期曾引发板蓝根抢购潮，眼下又抢购双黄连？很快，国家卫建委专家出面回应：不主张用双黄连来预防和治疗新冠肺炎。因为，双黄连口服液可抑制新冠病毒，但抑制不等于治疗。还好，我迟疑了一下未转发，不然就可能误导亲们去排队买双黄连了。

　　写到这里，闲着也是闲着，我就将以上话题说给妻儿听，也听一下他们的意见。

　　妻子说：“我们天天待在家里‘闷死病毒’，哪会有什么渠道获得独家信息，无非就是转发别人的，人云亦云。”

　　儿子比喻说道：“有的人手一抖就转发朋友圈，就好比大人天天教育小孩要好好学*一样，既无效果又烦人。”

　　我最后总结，疫情非常时期，除了国家和自治区统一发布的疫情信息，还有新华社、人民网等主流媒体发布的相关信息，其他的信息我都不会轻易发朋友圈。说白了，在举国抗“疫”之时，作为中国人应该追随国家的脚步，不添堵，不添乱。

　　话题到此，理应结束了。然而，我一家三口却意犹未尽，还有话要说。

　　我发自内心地说：“虽然经历十几天的居家日子很漫长，但我觉得跟小哥哥在一起是幸福快乐的！”

　　儿子笑吟吟地靠过来，两手分别攀住我和他妈妈的肩膀说：“天天跟老爸老妈在一起，我仿佛回到童年时的快乐时光！”

　　轮到妻子说话，她语出惊人： “才被关十几天就度日如年！那些犯事被关十几年的，把手指掰断还数不到出头的日子！”

　　一下子，温馨的气氛降到冰点。

　　惊讶之余，我埋怨妻子不会说话：“这哪跟哪比啊！”

　　还是儿子会说话：“老妈的对比不够恰当，但做人的底线就是不能犯事。否则，不是被关进去，就是被动物关在家里！”

　　没想到，如此粗浅的人生道理，在这样的背景下才深刻领悟。

　　壮文：　　

　　 deng maeuq ndaw ranz　

　　gou dwg vunz bouxgeq， bineix couh ndaej roekcib bi lo。 hoeng gou vunz geq sim caengz geq geijlai， mehyah gingciengz gangjriu， de naeuz gou youq ranz yawj densi cungj maij yawj dahsau gyaeundei。 mehyah coenz vah gangjriu neix miz di gvaqbouh lo。 danghnaeuz bouxvunz geq daengz yawj dahsau gyaeundei cungj nywnx liux， goenglaux neix couh ca mbouj geijlai deng ram hwnj ndoi bae lo。

　　gou sim caengz geq geijlai， dwg aenvih gou lumj bouxcoz nei maij hagsib， lumjnaeuz bouxcoz maij youq ndaw gienbaengzyoux veihsin cienjfat saenqsik， gou hag ndaej gig vaiq， gou hix gingciengz youq ndaw gienbaengzyoux cienjfat saenqsik， daengz seizneix veihsin gou gaenq miz geij bak boux baengzyoux ndei lo。 gou baenzneix maij cienjfat saenqsik， daengz mboengq ndwencieng bi 2020 daengx guek fat bingh sinhgvanh feiyenz， gou dauq mbouj luenh cienjfat lo， neix dwg vihmaz ne？

　　ndwencieng bi 2020 mboengqhaenx， baenz cungj binghraq heuhguh sinhgvanh feiyenz ndeu。 baenz cungj binghraq neix le， vunz daengx guek bouxboux cungj lau yaek dai bae， aeu vah mbanj dou daeuj gangj couhdwg "doek fwn ndoj laj faex deng byajbag， mbouj dai hix deng hwk daengz nyouh conh bae"。 miz vunz lij youq gwnz muengx raiz naeuz：“daj miz lajmbwn daeuj cungj dwg vunz gyaeng duz doenghduz haeuj loengz bae， ndwencieng bi 2020， doenghduz dauq ndaej gyaeng vunz lajbiengz hwnjdaeuj！”gij vah neix dwg gangjriu， hoeng gou cungj mbouj riu saek di， aenvih vunz ranz gou deng “gyaeng” dahraix： gou daj iq daengz geq， gwn haeux yaek gwn rim roekcib bi lo， bineix cij baez daih'it deng “gyaeng” youq ranz cib geij ngoenz。 aenvih binghraq dai ndaej vunz， ndaw gienbaengzyoux miz vunz yienghneix naeuz： “okdou couhdwg bae ra dai， bae ranz vunz couhdwg haih dai vunz。” vah neix gangj ndaej yakdingq di， hoeng danghnaeuz okdou bae deng gyuk binghraq le couh dai ndaej vunz dahraix。 lij miz， daeglwg gou gvaq cieng caemh deng “gyaeng” youq ranz 14 ngoenz。 de youq baihrog aen hawsingz hung ndeu guh hong ndaej 7 bi lo， binaengz gvaq cieng cuengqgyaj de ceiqlai ndaej youq ranz 5 ngoenz， siengj youq lai byonghngoenz danhvei de cungj mbouj baecinj， baez neix aenvih aeu fuengzreq binghraq cienzlah， danhvei dauq heuh de youq ranz 14 ngoenz。 mboujdan lwg gou boux ndeu， mboengqhaenx guekgya raeuz haujlai vunz cungj deng youq ranz ceiqnoix 14 ngoenz。 lauxhangz canghyw naeuz： gvaq 14 ngoenz mbouj fat bingh， couhdwg mbouj deng gyuk bingh sinhgvanh feiyenz， yienghneix cijndaej okdou bae hwnjban。　　

　　ngoenzngoenz youq ranz mbouj miz maz guh， cijmiz haeuj ndaw gienbaengzyoux veihsin bae guhcaemz ndwi。 daj seiz mbouj ndaej okdou hwnj， vunzlai cungj youq ndaw gienbaengzyoux youh cienjfat saenqsik， youh doeng gangj sae gangj， ndaw gienbaengzyoux hoengh gvaq ganjhaw bae。 gou caemh ngoenzngoenz haeujbae yawj gij saenqsik vunzlai cienjfat haenx， swhgeij hix fwngz humz yaek cienjfat saenqsik bouxwnq。 hoeng， ngoenzhaenx gou yawjraen boux lauxyoux cienjfat bien saenqsik neix le， sikhaek couh suk fwngz mbouj cienjfat lo。 bien saenqsik neix naeuz “binghdoeg sinhgvanh feiyenz rox vunz lah vunz”， gij vah neix dwg 1 nyied 20 hauh banhaemh， cungh nanzsanh yensw youq cunghyangh densidaiz gangj okdaeuj， ngamq gangj sat yaep he， vunz daengx guek cungj rox liux lo， gou caiq cienjfat lij miz maz yungh ne， aeu vah mbanj dou daeuj gangj couhdwg “nyouh conh le cij duet vaq—— menh lo！”

　　binghraq daeuj le haujlai danhvei cungj fatbouh saenqsik， seizneix yaek cienjfat gij saenqsik de aeu daegbied siujsim， aenvih mizmbangj danhvei fatbouh gij saenqsik mbouj deng geijlai。 ngoenz ndeu， miz aen danhvei aeu veihsin de fatbouh saenqsik naeuz “boux daih’it bingh sinhgvanh feiyenz guengjsae yw ndei ok yihyen lo”。 aen siusik neix ndei lai， gou sek couh yaek cienjfat。 sawqmwh， gou youh raen gih raeuz aen bause hung ndeu fatbouh siusik naeuz “guengjsae gaenq yw ndei song boux vunzbingh sinhgvanh feiyenz”。 laxlawz， aen danhvei haenx caemh dwg cienjfat saenqsik vunz， saenqsik haenx gaeuq lo。 danghnaeuz gou lij bae cienjfat cungj saenqsik gvaqseiz neix， mboujdan bang vunzlai mbouj ndaej， dauq haih vunz mbouj rox dingq bouxlawz cij deng， yienghneix guh dwg gyauxluenh lo。

　　mboengq binghraq cienzlah youqgaenj haenx， mboujdan mizmbangj danhvei fatbouh gij saenqsik saenq mbouj ndaej geijlai， miz saek aen meizdij hung fatbouh gij saenqsik hix mbouj ndaej saenq liux。 1 nyied 31 hauh banhaemh， guek raeuz aen meizdij hung ndeu fatbouh siusik naeuz， miz aen yenzgiusoj ywhag caeuq aen yenzgiusoj binghdoeg doengzcaez yenzgiu ok cingzgoj hung： raemxyw sueng’vuengzlienz yw ndaej bingh sinhgvanh feiyenz。 aen siusik neix ngamq fatbouh， gij raemxyw sueng’vuengzlienz daengx guek couh deng vunzlai cawx liux lo。 baez neix miz yw gouqmingh lo， haujlai vunzbingh mizmuengh gip ndaej diuz mingh lo， gou aeu vaiqdi cienjfat siusik neix daengz gienbaengzyoux bae， hawj beixnuengx vunzlai rox ha！ siengj mbouj daengz， gou caengz cienjfat， boux lauxhangz guekgya veigenveij couh okdaeuj gangjvah lo： guekgya mbouj heuh daihgya aeu raemxyw sueng’vuengzlienz daeuj ywfuengz caeuq gouqyw bingh sinhgvanh feiyenz， gij raemxyw neix ywfuengz bingh sinhgvanh feiyenz miz di yungh， hoeng mbouj dwg naeuz yw ndaej ndei。 dai lo， gij saenqsik haih daengz bouxboux cungj nyinhnaeuz miz yw gouqmingh lo。 caeklaiq， gou caengz cienjfat saenqsik neix， mboujnex couh caeuq baenz cien baenz fanh vangjyouj gwnz muengx ityiengh， cienjfat saenqsik gyaj “yaeuh vunz” lo， gangj mbouj dingh lij yaeuh deng beixnuengx gou bae baizdoiq cawx raemxyw sueng’vuengzlienz dem。　

　　gou raiz bien faenzcieng neix yaek sat le， naemj daengz aenvih aeu fuengzreq binghraq， ranz gou sam boux cungj deng maeuq youq ranz cib geij ngoenz lo， mbouj miz saeh guh couh dawz bien faenzcieng neix hawj song mehlwg yawj， dingqdingq songde miz maz gangjfap lwi。

　　mehyah yawj gvaq le naeuz： “raeuz ngoenzngoenz deng ‘gyaeng’ ndaw ranz lumj ciengx mou nei， bae gizlawz ra ndaej saenqsik moq ha， cungj dwg cienjfat saenqsik gaeuq bouxwnq， vunz baklai raeuz caemh ceqleq。”　

　　daeglwg yienghneix beijgangj： “gij vunz fwngz humz maij luenh cienjfat saenqsik haenx， couh lumj sou bouxlaux maij son lwgnyez aeu roengzrengz doegsaw nei， mbouj miz maz yungh lij haih vunz nyapnyuk dem！”　　　

　　gou doeklaeng yienghneix gangj： “cainanh hung boek gyaeuj roengzdaeuj le miz guekgya bae dingj， saenqsik bingh sinhgvanh feiyenz miz guekgya fatbouh， raeuz gaej luenh cienjfat gij saenqsik luenhcabcab haenx lo。 mboujnex， aeu vah lajmbanj daeuj gangj， couhdwg vunzlai cungj nyaengq daengz caekhaex bungq caekhaex lo， mwngz lij daeuj saek loh dem。”

　　vah gangj baenzlai le， wngdng mbouj miz maz gangj lo。 hoeng ranz gou sam boux cungj lij siengj gangj。

　　gou ngaekgyaeuj naeuz：“hw， yienzneuz deng maeuq youq ranz cib geij ngoenz mbwq di， hoeng daeglwg youq ranz couh mbouj doengz lo， angq lai lo！”

　　daeglwg riunyumnyum byaij gvaqdaeuj， doq aeu song fwngz song mbiengj got mbaq gou caeuq mbaq meh de， doq neuz：“ndaej ngoenz ngoenz caeuq bohmeh youq ranz， couh lumj seiziq yienghhaenx vuenyungz raixcaix。 ”

　　daengz mehyah gangjvah， de hai bak cou haeu lai：“raeuz ngamq deng ‘gyaeng’ cib geij ngoenz couh heuh dai lo！ gij vunz famhcoih haenx deng gyaeng cib geij bi baenzlawz gvaq ha！”

　　haxbaenh aen sim boh lwg lij raeujrubrub， sikhaek aen sim couh lumj deng rwed raemxgyoet nei。

　　doeklaeng lij dwg daeglwg rox gangj vah， de naeuz：“vah daxmeh mbouj ndei dingq geijlai， hoeng guh vunz mbouj ndaej famhsaeh vah neix deng ha！”

　　siengj mbouj daengz， deng “gyeng” youq ranz cib geij ngoenz， dauq naemj ok gij dauhleix guhvunz neix daeuj。

　　作者简介：潘朝阳，男，广西作家协会会员，出版有壮汉散文集《生日感动》，个人文集《民语心路》，有作品被选入壮语文中学、大学教材。新华网、人民网、中国新闻网、中国民族宗教网以及中宣部“学*强国”平台等曾对其进行过报道。